Kërkesat e diasporës rritin çmimet e banesave në Prishtinë

Çmimet e banesave në Prishtinë janë në rritje e sipër, duke bërë kështu që çmimi më i lirë i një metër katror të jetë 600 euro për ta arritur deri te më i shtrenjti që kap shifrën hiç më pak se 2 mijë e 500 euro për metër katror.

Këto çmime aktuale të banesave nuk po reflekton me çmimin real të tregut.

E, sipas hulumtuesit të Institutit “RIINVEST”, Visar Vokrri çmimet aktuale të banesave janë të fryra.

“Mendoj që çmimi aktual nuk reflekton çmimin real të tregut. Pra, çmimet janë pak të fryra. Ndoshta kryesisht nga kërkesat e vazhdueshme të diasporës, sepse mendoj që një pjesë e madhe e ndërtimit ende nuk kanë siguruar blerësit e tyre”, shprehet Vokrri për “Ndërtimi.info”.

Megjithatë, derisa ndërtimi i objekteve të reja banesore rritet, paralel me to nuk po rritet edhe kërkesa për blerje, përcjell albinfo.ch.

Vokrri ka thënë se një pjesë e madhe e ndërtimit ende nuk kanë siguruar blerësit e tyre.