Shënohet sot Dita e Veteranit

“Kaluam së bashku ditë të paharruara, me vështirësi e flijime, të pikëlluar kur humbnim shokët, të lumtur kur korrnim fitore”

Kryeministri i Kosovës Ramush Haradinaj i ka uruar veteranët e Luftës Çlirimtare për ditën e tyre, 30 dhjetorin. “Kaluam së bashku ditë të paharruara, me vështirësi e flijime, të pikëlluar kur humbnim shokët, të lumtur kur korrnim fitore”, ka deklaruar Haradinaj.

Ai ka kërkuar nga ta që të jenë të bashkuar më shumë se kurrë.

“Kujtojmë shokët e rënë, lavdinë dhe fitoren e Ushtrisë Çlirimtare të Kosovës. Tani, kur jemi në 20 vjetorin e Rezistencës dhe dhjetë vjetorin e pavarësisë, duhet të jemi më të bashkuar se kurrë, si popull, që të kontribuojmë në qytetarinë aktive për ndërtimin dhe fuqizimin e shtetit tonë.

Qeveria e Republikës së Kosovës, do të jetë gjithherë në shërbimin tuaj”, ka thënë ai.