Tirana e Prishtina gati për ndërrimin e viteve

Bashkia e Tiranës ka përgatitur një program festiv në të cilin është parashikuar koncerti me këngëtarët e njohur të muzikës shqiptare dhe spektakli i fishekzjarreve në mesnatë.

Festa do të nisë në orën 22.30 të mbrëmjes me muzikë dhe do të vijojë deri në orët e para të mëngjesit.

Bashkia e Tiranës i fton të gjithë qytetarët që të bëhen pjesë e programit dhe të numërimit mbrapsht me kreun e bashkisë në sheshin “Skënderbej”.

Edhe Komuna e Prishtinës njofton se sonte do të ketë një koncert që fillon në orën 20 në qendër të qytetit dhe në orën 00:00 do të ketë spektal të fishekzjarrëve.