Nxirret nga qarkullimi kombibusi me ngarkesë 1621 kg mbi të lejuarën

Makina kishte regjistrimin e një shteti të huaj por në njoftim nuk saktësohet se të cilit shtet

Policia Kantonale në Stans të Kantonit Nidwalden ka nxjerrë nga trafiku një kombibus të vogël transportues me një ngarkesë jashtëzakonisht të madhe, shkruan sda.ch.

Në brendinë e automjetit që shkonte drejt veriut, kishte më shumë se 1600 kilogramë artikuj ushqimorë dhe mjete teknike shtëpiake mbi peshën e lejuar.

Makina kishte regjistrimin e një shteti të huaj por në njoftim nuk saktësohet se të cilit shtet, transmeton albinfo.ch.

Me peshimin e kombibusit u konstatua se ai peshonte 3500 kilogramë, duke e tejkaluar peshën e lejuar për plot 1621 kilogramë ose për 46.31 për qind.

Ndaj ngasësit të automjetit është ngritur një padi penale dhe ai do të dënohet përmes një procedure administrative. Atij i është lejuar të vazhdojë ngasjen me makinë vetëm pasi që ka shkarkuar peshën e tepërt nga ai.

(Foto: Kapo, NW)