Qytetarët rekomandohen t`i vendosin veturat në garazhe dhe të mos dalin pa nevojë

Atyre u rekomandohet që gjatë stuhisë të mos qëndrojnë në male si dhe të përforcojnë për tokë mobilet, kontainerët e mbeturinave dhe saksitë e kopshteve

Rreziku nga stuhia e fuqishme “Burglind” për të cilën është paralajmëruar se do të kalojë të mërkurën mbi Zvicër ka bërë që autoritetet të ngrenë shkallën e alarmit duke paralajmëruar qyetetarët për të marrë masa mbrojtjeje. Siç ka shkruar tashmë albinfo.ch, erërat që do të fryjnë priten të arrijnë deri në 180 kilometra në orë.

Nisur nga kjo, policia ka dhënë rekomandimet përkatëse për mënyrën e sjelljes së qytetarëve. Kështu, atyre u rekomandohet që gjatë stuhisë të mos qëndrojnë në male si dhe të përforcojnë për tokë mobilet, kontainerët e mbeturinave dhe saksitë e kopshteve, përcjell albinfo.ch.

Po ashtu rekomandohet që të sigurohen më mirë skelet nëpër kantieret e ndërtimit. Ndërkaq pronarët e automobilëve duhet t`i parkojnë makinat e tyre në garazhem pra t¨¨e mos lihen jashtë.

Kulmi i stuhisë pritet të ndodhë paraditen e të mërkurës.