Vritet një 36-vjeçar në një restorant në Dobratin

Një person ka mbetur i vdekur nga të shtënat që kanë ndodhur rreth orës 03:00 të mëngjesit në një restorant që ndodhet në udhëkryqin Lipjan-Janjevë, në fshatin Dobratin, njofton policia e Kosovës.

36-vjeçari M.O. nuk ka mundur t’u përballojë plagëve të marra dhe ka vdekur në QKUK rreth orës 04:00 të mëngjesit, përcjell albinfo.ch.

Polica në njoftimin për media njofton se personi i dyshuar për këtë rast është identifikuar, por ndodhet në arrati, ndërsa shtëpia e tij është kontrolluar nga njësitet policore ku janë konfiskuar dy armë: Një pushkë e tipit M48 me leje dhe një revole e tipit TT, e cila dyshohet të jetë përdorur në këtë rast.

Trupi i pajetë i viktimës është dërguar në Institutin e Mjekësisë ligjore për autopsi.

Policia nuk ka dhënë detaje për motivet e kësaj vrasje, por thotë se janë duke punuar për të ndriçuar dhe sqaruar të gjitha rrethanat që kanë të bëjnë me rastin.