Vidhet shishja më e shtrenjtë e vodkas

Policia daneze është duke hetuar vjedhjen e një shishe vodka që besohet se është më e shtrenjta në botë. Ajo kushton rreth 1.3 milion dollarë.

Shishja, e bërë nga ari dhe argjendi dhe me diamant, ishte në huazim në një bar në Kopenhagë që mban koleksion vodkash.

Pronari i barit, Brian Ingberg, ka thënë se shishja kishte marrë pjesë në një episod të trilerit “House of Cards”.

Policia thotë se nuk e di nëse hajni, i cili kreu vjedhjen të martën, kishte thyer derën apo kishte një çelës, transmeton Albinfo.ch.

Ingberg, pronari i barit Cafe 33, ka thënë se e kishte huazuar këtë shishe nga kompania nga Letonia, Dartz Motor Company.

“Ka qenë pjesë e koleksionit tim për gjashtë muaj, por jo edhe më”, ka htënë ai.

Prodhuesi i veturave luksoze Russo-Baltique besohet se kishte krijuar vodkan për të përkujtuar njëqindvjetorin e kompanisë.