Vazhdojnë pritjet para Ambasadës së Zvicrës, qytetarët e dëshpëruar

Për kosovarët tashmë nuk paraqet thuajse lajm fakti se janë të izoluar. E, liberalizimi i vizave për qytetarët, por edhe për bizneset, është temë jetike, raporton televizioni publik i Kosovës.

Ambasadat e huaja në Kosovë tashmë janë shndërruar në vendet me pritjet më të gjata për qytetarët e Kosovës, përcjell albinfo.ch.

Ata për të aplikuar për një vizë së pari duhet të presin me muaj të tërë për një termin, ndërsa për t’u pajisur me të, qytetarëve u kërkohet të kalojnë në procedura të shumta e ndër to edhe grumbullimi i dokumenteve të ndryshme të cilat veç se e vështirësojnë pajisjen me vizën Shengen.

Qytetarët të cilët sot kanë pritur para ambasadës së Zvicrës, thonë se kanë pak shpresa se do të përshpejtohet procesi i liberalizimit të vizave.

Ata shprehën se po duhet shumë dokumente, ka shpenzime dhe pritje.

Gjithashtu shqetësuese mbetet edhe gjendja e përfaqësuesve të bizneseve sa i përket pajisjes me viza Shengen.