Vetura e policisë përplaset në shtyllë

Foto: Insajderi

Një aksident komunikacioni ka ndodhur gjatë paradites në Gjilan, gjegjësisht në lokacionin te Agmia Center.

Sipas fotografive të siguruara nga gazeta Insajderi shihet se një veturë e policisë është përplasur me një shtyllë, përcjell albinfo.ch.

Me këtë rast janë lënduar tre policë, të cilët kanë marrë ndihmë mjekësore, por lëndimet nuk kanë qenë të rënda.

Policia ka konfirmuar aksidentin, por ende nuk janë bërë të ditura shkaqet. Hetimi po vazhdon.

Ndërkohë, vetëm gjatë 24 orëve të fundit në Kosovë kanë ndodhur 59 aksidente.

Sipas raportit, 28 aksidente janë me të lënduar, ndërsa 31 aksidente me dëme materiale.

Policia e Kosovës, vazhdimisht ka bërë apel që pjesëmarrësit në trafik të kenë  kujdes në vozitje dhe ti përshtaten rregullave dhe shpejtësisë në komunikacion.