Dorëhiqet edhe Faton Topalli

“Po jap dorëheqje nga të gjitha pozitat që kam në Lëvizje prej Anëtarit të Këshillit të Përgjithshëm e deri tek Drejtuesi i Komitetit për Mbrojtje Sociale, respektivisht politika sociale. Pra, le ta mbajnë pushtetin ata që e duan”

Në vazhdhën e një numri dorëheqjesh që ndodhën ditëve të fundit nga Lëvizja Vetëvendosje, edhe deputeti Faton Topalli është larguar nga të gjitha pozitat brenda LVV-së. Ai në letrën e dërguar tek anëtarët e Kryesisë së kësaj Lëvizjeje, ka përmendur shqetësimet e tij për subjektin të cilit i përket.

“Po jap dorëheqje nga të gjitha pozitat që kam në Lëvizje prej Anëtarit të Këshillit të Përgjithshëm e deri tek Drejtuesi i Komitetit për Mbrojtje Sociale, respektivisht politika sociale. Pra, le ta mbajnë pushtetin ata që e duan”, ka shkruar Topalli.

Topalli në letër thotë se edhe zhvillimet e fundit në këtë subjekt kanë ndikuar në humbjen e tij në garën për kreun e Ferizajt.

Faton Topalli, parfa se të fillonte angazhimin e tij në Lëvizjen Vetëvendosje, për rreth 30 vite ka jetuar në Zvicër, ku është njihet si aktivist i shquar në komunitetin e këtushëm shqiptar dhe njëherësh si ekspert i punëve sociale.