Një i vdekur e 4 të lënduar nga aksidenti në Prishtinë

Lidhur me këtë aksident një person është arrestuar dhe me urdhër të Prokurorit të shtetit i është shqiptuar masa e ndalimit prej 48 orësh

Një person ka vdekur dhe 4 të tjerë janë lënduar në një aksident trafiku që ka ndodhur mëngjesin e sotëm në Prishtinë.

“Rreth orës 02:00 të mëngjesit në kryqëzimin që lidh rrugën “Agim Ramadani” me rrugën “Eqrem Çabej” në Prishtinë, kanë qenë të përfshira dy vetura të cilat ishin në lëvizje.

Lidhur me këtë aksident një person është arrestuar dhe me urdhër të Prokurorit të shtetit i është shqiptuar masa e ndalimit prej 48 orësh”, thuhet në njoftimin e Policisë. Trupi i viktimës është dërguar në Institutin e Mjekësisë Ligjore për obduksion.

Ndryshe, gjatë vitit të kaluar në rajonin e Prishtinës kanë ndodhur 7.643 aksidente trafiku, ku kanë vdekur 35 persona.