Panda franceze debuton përballë publikut

Panda pesëmuajshe franceze e ka bërë debutimin e saj publik, duke kënaqur qindra vizitorë në një kopsht zoologjik në Francë. Këlyshi i vogël mashkull ka lindur më 4 gusht në kopshtin zoologjik Beauval, rreth 250 km në jug të Parisit dhe u pagëzua muajin e shkuar si Yuan Meng nga zonja e parë e Francës, Brigitte Macron, përcjell albinfo.ch.

Panda, e cila u bë sensacion mediatik në Francë, ka pranuar mysafirë të veçantë, përfshirë presidentin francez Emmanuel Macron dhe ish-presidentin Nicolas Sarkozy. Vizitorët në Beauval Zoo thanë se ishin shumë të kënaqur me mundësinë për të parë Yuan Meng për herë të parë.

Një vizitor tha se ata ishin të pranishëm në kopsht, edhe kur pandës i dolën dhëmbët e parë dhe kur ajo për herë të parë i hapi sytë.
Panda hapi sytë për herë të parë në mes të shtatorit dhe peshonte 11 kg.