Përkujtohet 20-vjetori i sulmit të dytë ndaj familjes Jashari

Komuna e Skenderajt dhe Organizatat e dala nga lufta e UÇK-së kanë përkujtuar sulmin e dytë të forcave serbe mbi familjen Jashari në Prekaz.

Në 20 vjetorin e këtij sulmi, kryetari i Skenderajt, Bekim Jashari bashkë me drejtues e anëtarë të shoqatave të dala nga lufta kanë bërë homazhe në kompleksin “Adem Jashari”, përcjell albinfo.ch.

Kryetari Jashari me këtë rast tha se dy dekada më herët iu tregua regjimit serb se ky vend ka njerëz që dinë ta mbrojnë.

Jashari ka shtuar se vepra dhe kontributi për liri i familjes Jashari, do të kujtohet gjithnjë.