Kosova mund të përballet me një padi të re në Arbitrazh

Ministri i Infrastrukturës, Pal Lekaj, ka paralajmëruar rrezikun për edhe një padi të re në Arbitrazh.

Fjala është për çështjen e vonesës së pagesës së punimeve në autostradën për Shkup, përcjell albinfo.ch.

Në raportimin e tij në Komisionin për Zhvillim Ekonomik, ai ka deklaruar se ish-ministri i Infrastrukturës, Lutfi Zharku, kishte kërkuar më 30 shtator zgjatjen e afatit deri në fund të këtij viti me një kosto prej 14 milionë eurosh, por Qeveria e kishte kthyer prapa një kërkesë të tillë, duke thënë se duhet të vendosë komiteti ndërministror, ndërsa nga ajo kohë nuk është marrë asnjë veprim.

Ai ka thënë se pas ardhjes në krye të kësaj ministrie, ka kërkuar nga mbikëqyrësi i punimeve “Hill International” sqarime për këtë kërkesë. “‘Bechtel Enka” ka shprehur gatishmërinë për të zgjidhur situatën”, tha më tej ministri i Infrastrukturës, duke shtuar se për shkak të këtyre vonesave, ministria e ka të vështirë të mbrojë mospagesën e kësaj çështjeje.