Haradinaj: Nuk u japim llogari ambasadorëve

“Ne nuk i kemi punëdhënës ata, ne i kemi punëdhënës deputetët dhe sillemi me respekt ndaj tyre. Tani lënda është në Qeveri, janë procedura që duhet me u kaluar, i kemi 30 ditë, do t’i kalojmë procedurat në afat kohor të paraparë”, ka deklaruar Haradinaj

Kryeministri i Kosovës, Ramush Haradinaj, është shprehur se Qeveria e Kosovës nuk i jep llogari ambasadorëve për vendimet që merr dhe se lënda për Gjykatën Speciale do të procedohet brenda afatit kohor, përcjell albinfo.ch.

Haradinaj ka deklaruar se vetëm Parlamentit të Kosovës i japin llogari pasi janë të zgjedhurit e Parlamentit, derisa theksoi se lidhur me demarkacionin dhe Gjykatën Speciale, Qeveria e ka kryer punën e saj për këto çështje.

“Ne nuk i kemi punëdhënës ata, ne i kemi punëdhënës deputetët dhe sillemi me respekt ndaj tyre. Tani lënda është në Qeveri, janë procedura që duhet me u kaluar, i kemi 30 ditë, do t’i kalojmë procedurat në afat kohor të paraparë”, ka deklaruar Haradinaj.