Hoxha: Qytetarët e Kosovës presin nga BE-ja sinjale të qarta

Ministrja e Integrimit Evropian, Dhurata Hoxha, në Vjenë, në konferencën ndërkombëtare dyditore, dedikuar Strategjisë për të ardhmen e Evropës që organizohet në Austri, ka theksuar se Procesi i Integrimit evropian mbetet një nga qëllimet kryesore të politikës së jashtme të Kosovës, përcjell albinfo.ch.

“Ne presim që institucionet e BE-së do të sigurojnë një rrugë të qartë të Kosovës dhe vendeve të tjera të Ballkanit Perëndimor në perspektivën e BE. Konsideroj se në këtë fazë, uniteti duket më i rëndësishëm se kurrë”, ka theksuar ministrja Hoxha.

Ajo në fjalimin e saj ka theksuar se Kosova nuk duhet të jetë e izoluar apo e ndarë nga vendet tjera të Ballkanit Perëndimor.