Shkurt.ch

Rekord i sportistëve zviceranë në Olimpiadën e dimrit

Rekordi i mëparshëm ishte 163 sportistë

E mërkurë, 31 Janar 2018 - 10:00 albinfo.ch

(KEYSTONE/Gian Ehrenzeller)

Asociacioni Olimpik i Zvicër ka nominuar 171 sportistë për Lojërat Olimpike “Pyeong Chang” në Korenë e Jugut, një numër rekord për Lojërat Dimërore, përcjell albinfo.ch.

Rekordi i mëparshëm ishte 163 sportistë. Ndodhi kjo në Olimpiadën e Soçit në Rusi më 2014, shkruan “Swissinfo.ch”.

Të hënën është njoftuar për listën përfundimtare të skiatorëve, të cilët do të bashkohen me sportistët tjerë, që më herët kishin konfirmuar pjesëmarrjen në këto Lojëra, që zhvillohen gjatë muajit të ardhshëm.

Sipas zyrtarëve, Zvicra pret 11 medalje nga këto Lojëra Olimpike, ashtu siç kishin fituar edhe katër vjet më parë.