Policët kosovarë në vizitë në Gjermani

Dy zyrtarë policorë të Kosovës kanë qëndruar në një vizitë këmbimi përvojash në Emmendigen

Dalë nga dalë, policia e Kosovës po fiton besimin e popullatës, thonë dy zyrtarë policorë kosovarë të cilët ishin në një vizitë këmbimi përvojash në rajonin policor të Emmendigenit. Tahir Shabani, kryetar i shoqatës “Yjet e Kosovës” kishte marrë rolin e përkthyesit në këtë vizitë.

“Deri në fund të luftës në vitin 1999, forcat e rendit dominoheshin nga policët serbë, dhe kjo nuk ishte bazë e mirë”. Keshtu thonë zyrtarët policorë Baki Zebica dhe Sadri Shabani nga Merdari, lokalitet në zonën kufitare Ksoovë-Serbi.

Lidhja me rajonin policor të Emmendigenit është nisur para disa vitesh, me rastin e planifikimit të një turneu futbollistik ndërkombëtar të policëve në këtë qytet.

© Baki Zebica, Karl-Heinz Scherer, Sadri Shabani dhe kryetari i “Yjevet të Kosovës”, Tahir Shabani

Karl-Heinz Scherer, zëvendës i udhëheqësit të rajonit policor, kultivon prej një kohe të gjatë lidhje të shkëlqyera me shoqatën e këtushme kosovare “Yjet e Kosovës”. Ai ua ka prezantuar kolegëve të tij kosovarë organizimin e punës policore në këtë regjion.

U la të kuptohet se dallimet në organizim dhe në pajisjen teknike të pikave policore nuk janë më aq të mëdha. Falë ndihmës ndërkombëtare, forcat e rendit në Kosovë kanë në dispozicion mjete moderne komunukimi dhe automjete të prodhimit të lindjes së largët.

Policia e Kosovës ka për detyrë që para së gjithash të merret me deliktet pronësore. Një nga arsyet për këtë duhet të jetë papunësia shumë e madhe. Policia e Kosovës nuk merr pothuaj fare kallëzime për kundërvajtje të tilla si fyerjet ose zhurma.

Mysafirët po ashtu treguan se për njerëzit, shpesh të traumaztizuar të Kosovës, nevojitet ende edhe shumë durim për të ndërtuar një qasje normale ndaj forcave të ruajtjes së rendit, të cilat tashmë përbëhen ekskluzivisht nga kosovarët. (Badischer Zeitung)