Kjo është Redaktorja më e re në botë

Dy muaj para se të mbushë nëntë vjet, australiania Roxanne Downs ka marrë zyrtarisht titullin e redaktores në një gazetë.

Ajo tani njihet si Redaktorja më e re në botë, pasi ka marrë këtë detyrë në “It GiRL Magazine”.

Roli i saj si redaktore në këtë revistë është pjesëmarrja në takime, krijimi i koncepteve editoriale, hulumtimi i tregut, shkrimin e letrës së redaktorit në bazë mujore dhe rishikimin e revistës para shtypjes, transmeton Albinfo.ch.

“Doja të isha pjesë e diçka që ishte e madhe për grupmoshën time dhe miqve të mi. Jam fëmijë vet dhe ‘IT GiRL’ është revistë për fëmijë. Dal me të tjerët të moshës sime dhe e di se çfarë duan, çfarë është e mirë për ta dhe çfarë informacionesh duan të dinë”, ka thënë Roxy për faqen zyrtare të Librit të Rekordeve “Guinness”.