Mbahet edicioni i 5-të i Lojërave ndërkombëtare të erës

Qyteti spanjoll Empuriabrava ishte nikoqir i Lojërave ndërkombëtare të erës, në edicionin e pestë të tyre. 200 fluturuesit më të mirë në botë konkurruan në 8 kategori për të marrë epitetin e më të mirit në botë, përcjell albinfo.ch.

Atleti spanjoll, Cesar Rico, u shpall fluturuesi më i shpejtë në botë, pasi fitoi në kategorinë “Speed Solo”.

“Ndjenjë e pabesueshme, nuk e prisja, ka qenë një konkurrencë shumë e ngushtë. Ka qenë një garë shumë e fortë dhe gjithçka është vendosur në pak sekonda”, ka thënë Rico.

Australiania 12-vjeçare, Amy Watson, fitoi garën në kategorinë “Junior Freestyle”. “Kjo është ëndërr e çdo fëmije. Ky tunel të krijon mundësinë ta përjetosh fluturimin e vërtetë, por shumë gjëra duhet mësuar paraprakisht”, tha Watson.

E, organizatorët thanë se synimi i tyre është që ky aktivitet të shndërrohet në sport olimpik për Lojërat Olimpike “Paris 2020”.