Vështirësohet puna e njohjeve

Njohja e Kosovës nga shtetet tjera të botës mund të ngadalësohet brenda këtij viti

Kjo për faktin se në krye të Asamblesë së Përgjithshme të OKB-së, ka ardhur ish-ministri i diplomacisë serbe,Vuk Jeremiq. Këtë shqetësim e ka ngritur edhe ish-ambasadori britanik në Beograd, në vitet 2001-2003, Charles Crawford. Ai madje ka thënë se Kosova do ta ketë më vështirë të fitojë njohje edhe për një çështje tjetër, sepse Serbia do ta kryesojë OSBE-në në vitin 2015. Në “Daily Telegraph” ish-diplomati britanik thotë se shumica e vendeve të Grupit G 20 si dhe 8 vende të Bashkimit Evropian kanë votuar për kandidaturën e Jeremiqit në OKB. “Punë e hatashme lobuese nga Beogradi”, thotë Crawford. Ndryshe, rreh njohjes së Kosovës sërish janë ngritur dilema. Akoma nuk dihet nëse Kosovën e kanë njohur 81 apo 89 shtete. Njohja nga Nigeria dhe Uganda të cilat i ka proklamuar si njohje zëvendëskryeministri Bhgjet Pacolli, nuk janë konfirmuar me letrat kredenciale Të paktën kështu shkruan e përditshmja “Koha” e cila i referohet burimeve brena ambasadës së Shteteve të Bashkuara të Amerikës.