Për shkak të Kosovës, Tirana bllokon deklaratën e SEECP-së

Samiti në Beograd i Procesit të Bashkëpunimit në Evropën Juglindore(SEECP) ka pëfunduar pa një deklaratë të përbashkët

Për shkak të Kosovës  deklaratën e pëbashkët të shefave të vendeve të rajonit e kishte bllokuar Shqipëria.

Zëvendësministri i Punëve të Jashtme i Shqipërisë, Selim Belortaja ka deklaruar se pasi që pjesëmarrësve u është ofruar deklarata e hartuar, pavarësisht vullnetit të mirë, që ka udhëtuar në samit, ai nuk e ka mbështetur tekstin, sepse nuk ka qenë konstruktiv.

“Këtë deklaratë nuk mund ta pranojmë, sepse është e domosdoshme që në të reflektohet përmendja e rëndësisë së marrëveshjeve të arritura(mes Beogradit e Prishtinës) dhe zbatimi i plotë i tyre”, ka thënë Belortaja, raportojnë mediat në Beograd.

Ai gjatë fjalimit të tij ka përsëritur qëndrimin e Tiranës se Kosovës duhet t’i mundësohet që të jetë anëtarë e barabartë e Procesit të Bashkëpunimit të Evropës Juglindore, sikurse edhe në iniciativat tjera rajonale.

Presidenti serb, Tomillav Nikolliq, ka thënë se për Serbinë, është i papranueshëm propozimi i Shqipërisë, meqë sipas tij, deri më tash nuk është arritur ndonjë marrëveshje për këtë.