Punimet në autostradën Prishtinë-Gjilan nisin brenda disa javësh

Kështu ka deklaruar ministri i Infrastrukturës, Pal Lekaj, gjatë takimit që pati me kryetarin e Gjilanit, Lutfi Haziri

Ndërtimi i autostradës Prishtinë –Gjilan, pritet të nisë brenda disa javësh. Kështu ka deklaruar ministri i Infrastrukturës, Pal Lekaj, gjatë takimit që pati me kryetarin e Gjilanit, Lutfi Haziri.

Gjatë kësaj vizite janë nënshkruar një sërë marrëveshjesh.

Ministri Lekaj ka deklaruar se, edhe pse ka pasur kundërshtime për autostradën Prishtinë –Gjilan, punimet e ndërtimit pritet të fillojnë brenda disa javësh. Sipas tij, kjo auto-rrugë ndikon pozitivisht në zhvillimin ekonomik dhe e lehtëson lëvizjen e qytetarëve.

Ndërsa, kryetari i Gjilanit, Lufi Haziri, tha se marrëveshjet e nënshkruara janë projekte infrastrukturore për ndërtimin e rrugëve në fshatra dhe qytet.