Anulohen fluturimet në Aeroportin e Prishtinës

Tri fluturime për Bazel, Londër dhe Stamboll, të cilat planifikoheshin të bëheshin sot janë anuluar

Foto: Bujar Gashi

Aeroporti Ndërkombëtar i Prishtinës “Adem Jashari”, ka anuluar të gjitha fluturimet për sot shkaku i motit të ligë.

Tri fluturime për Bazel, Londër dhe Stamboll, të cilat planifikoheshin të bëheshin sot janë anuluar, njofton ANP-ja, raportojnë mediat vendore, përcjell albinfo.ch.

Për sot ishin paraparë edhe tri aterrime në Aeroportin e Prishtinës, por janë anuluar.

Ashtu si në Ballkan dhe në Evropë, edhe në Kosovë po mbretërojnë temperatura të ulëta, derisa për shkak të reshjeve të borës, ka pasur vështirësi në qarkullimin e veturave.