Mungesa e punëtorëve të kualifikuar në Kosovë

Papunësia vazhdon të jetë një nga problemet më të mëdha në Kosovë, me theks të veçantë te të rinjtë.

Sipas Agjencisë së Statistikave të Kosovës rreth 30 % e popullsisë është e papunë, edhe pse kjo shifër mund të jetë më e lartë.

Megjithatë, me gjithë shkallën e lartë të papunësisë, sipërmarrjet në Kosovë thonë se po përballen me mungesë të punëtorëve të kualifikuar, raporton “Zëri i Amerikës”.

Njohësit e këtyre çështjeve tërheqin vëmendjen në mungesën e shkollave profesionale në Kosovë dhe bëjnë thirrje që të rinjtë të përgatiten në bazë të kërkesave aktuale te tregut të punës, përcjell albinfo.ch.

Kjo është edhe një sfidë për ekonominë kosovare që të përgatit kuadrot dhe të punësojë të rinj në fusha të ndryshme.