Nesër lansohet aplikacioni “Pritjet në Kufi”

Ministria e Punëve të Brendshme të Kosovës në bashkëpunim me “Open Data Kosovo” dhe “Girls Coding Kosova”, do të lansojnë aplikacionin social “Pritjet në Kufi”.

Qendra Kombëtare për Menaxhimin e Kufirit në kuadër të Ministrisë së Punëve të Brendshme publikon vazhdimisht të dhëna për qytetarët në uebsajtin zyrtar, përcjell albinfo.ch.

Kjo ka ardhur si rezultat tek bashkëpunimi shumë i suksesshëm në mes të projektit “Techstitution” dhe Ministrisë së Punëve të Brendshme, ku si rezultat është ndërtuar aplikacioni social “Pritjet në Kufi”.

Qëllimi i platformës është hapja dhe shfrytëzimi i të dhënave për pritjet kufitare për planifikim të kohës për udhëtimet.