Haradinaj e quajti Blerim Rexhën “hajn ordiner”

Pas kritikave që mori, Kryeministri, Ramush Haradinaj, shpërtheu me akuza duke thënë se ish-drejtori i Agjencisë së Akreditimit, Blerim Rexha, është një hajn ordiner. Sipas tij Rexha ka lobuar në EQAR për t’u përjashtuar Kosova

Kuvendi i Kosovës po mban seancë të jashtëzakonshme për përjashtimin e Kosovës nga EQAR-i gjë që shkaktuar debate të forta mes kryeministrit me deputetët e LDK-së e Vetëvendosjes.

Shefi i Grupit Parlamentar të LDK-së, Avdullah Hoti, kërkoi përgjegjësi nga kryeministri Ramush Haradinaj, dhe nga ministri i MASHT-it, Shyqiri Bytyqi, për përjashtimin e AKA-së nga EQAR-i. Ndërsa, Arbërie Nagavci nga Lëvizja Vetëvendosje, tha se përjashtimi i Kosovës nga EQAR-i i ka dëmtuar studentët. Sipas saj, pas këtij përjashtimi, do të komplikohen në masë të madhe mundësitë e studentëve për të aplikuar në universitete ndërkombëtare.

Ndërsa, ministri i Arsimit, Shyqiri Bytyqi,  theksoi se vendimi për shkarkimin e bordit të Agjencionit të Kosovës për Akreditim, mund të quhet i ngutshëm. Por tha se edhe me bordin e vjetër  EQAR-i do ta përjashtonte Kosovën.

Pas kritikave që mori, Kryeministri, Ramush Haradinaj, shpërtheu me akuza duke thënë se ish-drejtori i Agjencisë së Akreditimit, Blerim Rexha, është një hajn ordiner. Sipas tij Rexha ka lobuar në EQAR për t’u përjashtuar Kosova. Haradinaj thotë se nuk i kupton kundërshtitë e partive politike në vend rreth kësaj çështjeje. ‘Kujt është ka i dhem që është shkarku një njeri. Po me doket iu paska jep krejt partive se krejt jeni bërë bashkë”, ka shtuar kryeministri.

Tutje Haradinaj i ka replikuar edhe shefit të grupit parlamentar të LDKsë, Avdullah Hotit “Pse jam i nervozuar Avdulla, nuk jam prej ngarkesave. Por ka diçka që më dhemb janë fëmijët e këtij vendi, që s’po iu njihen diplomat”, tha ai.

Debat ka pasur edhe në mes deputetit të Nismës, Milaim Zeka dhe atij të VV-së Glauk Konjufca i cili tha se beson që përgjithësisht mësuesit kosovarë janë të ndërgjegjshëm dhe se punën e kryejnë me nder përveç atij të Milaim Zekës.