Kërkohen zgjedhje të reja në Komunën e Prishtinës

Keystone (EPA/VALDRIN XHEMAJ)

Dorëheqja e kryetarit të Prishtinës, Shpend Ahmetit nga Lëvizja Vetëvendosje, ka ngjallur reagime të shumta në Kosovë.

Njëri ndër ta që reagoi ishte analisti Haki Abazi, duke e quajtur hipokrit Ahmetin, ka thënë se tani është koha për zgjedhje të reja, pa përfitues e pa hajna të SHIK-ut, përcjell albinfo.ch.

Sipas Abazit është koha për zgjedhje të reja edhe në Prishtinë edhe në gjithë Kosovën.

“Hipokrizi e një dështaku dembel, gënjeshtare, perçarës, patronizues, përfitues në kurriz të tjerëve! Në fakt nga sot Kosova ka të ardhme, por pa përfituesit e tavolinave të mishit dhe hajnat e SHIK-ut që po rekrutojnë argat të rijnë për të mbijetuar. Koha për Zgjedhje në Prishtine dhe zgjedhje në Kosove”, ka shkruar Abazi.

Ahmeti ka dhënë dorëheqje nga Lëvizja Vetëvendosje, derisa sot ka reaguar edhe Lëvizja Vetëvendosje.