Lëndohet një grua nga hajnat që grabiten Money Gramin në Prishtinë

Ngjarja ka ndodhur  rreth orës 13 të së shtunës ku dy persona të maskuar kanë hyrë në lokal, duke e goditur atë në kokë

Dy persona kanë lënduar një 63-vjeçare, duke e lënë pa ndjenja për një kohë, në një pikë të Money Gramit në lagjen “Dardania” në Prishtinë.

Ngjarja ka ndodhur  rreth orës 13 të së shtunës ku dy persona të maskuar kanë hyrë në lokal, duke e goditur atë në kokë. Ajo është dërguar për tretman  në QKUK. Policia thotë se ka të bëjë me grabitje dhe se po bëhen hetimet e nevojshme për identifikimin e të dyshuarve të mundshëm të përfshirë në këtë rast.

“Njësia policore menjëherë  i është përgjigjur rastit dhe ende pa arritur në lokacion, kemi marrë informata shtesë se kemi të bëjmë me grabitje. Një person femër dyshohet se si pasojë e sulmit, gjatë grabitjes ka marrë lëndime trupore në kokë”, ka thënë Zëdhënësi i Policisë së Kosovës, Daut Hoxha. Sipas Policisë së Kosovës, vlera e parave të grabitura ka mbetur të konfirmohet.