Thaçi e Tahiri: Vrasësit e djemve të familjes Maloku do dalin para drejtësisë

Thaçi ka thënë se ndjen dhimbjen bashkë me familjarët, ndërsa ka shtuar se do të punohet në maksimum që dorasit e kësaj vepre mizore të dalin para drejtësisë

Ministri i Drejtësisë, Abelard Tahiri, ka thënë se institucionet e drejtësisë janë duke bërë maksimumin e tyre për të zbuluar dorasit e vrasjes së dyfishtë që ndodhi të premten në Malishevë.

Ministri Tahiri së bashku me Presidentin e vendit, Hashim Thaçin, kanë qenë për vizitë te familja e të vrarëve në fshatin Plloqicë. Edhe Presidenti Hashim Thaçi, ka bërë thirrje tek institucionet e drejtësisë që të bëhet e pamundura që dorasit e këtyre vrasjeve të përballen me ligjin.

Thaçi ka thënë se ndjen dhimbjen bashkë me familjarët, ndërsa ka shtuar se do të punohet në maksimum që dorasit e kësaj vepre mizore të dalin para drejtësisë. Dy ditë më herët vëllezërit, Shani dhe Bahri Maloku, u vranë nga disa hajna të cilët ishin futur në shtëpinë e tyre.