Ministri Bytyqi, kundër grevës së SBASHK-ut

Ministri i Arsimit i Kosovës, Shyqeri Bytyqi, nuk e sheh të arsyeshme grevën, pasi sipas tij, me të nuk mund të gjendet asnjë zgjidhje. Sipas Bytyqit, me kohë e kanë proceduar në Qeveri Projektligjin për statusin e punëtorëve të arsimit në vitet 1990-1999.

“Derisa SBASHK-u është në dijeni që vullneti i MASHT-it dhe Qeverisë është që ky Projektligj të shkojë sa më parë në Parlament dhe të jetësohet, ne nuk e shohim të arsyeshme grevën dhe as si zgjidhje në këtë situatë. Prandaj, rruga më e mirë është që të gjithë mësimdhënësit dhe prindërit të angazhohen që nxënësit tanë të mos humbin asnjë orë mësimi”, ka shkruar Bytyqi në Facebook, përcjell albinfo.ch.