Reagon edhe Oda Ekonomike për ‘mishin belg’

OEK apelon që kjo çështje urgjentisht të trajtohet në Qeverinë dhe Parlamentin e Kosovës, si dhe përmes dialogut publiko-privat

Oda Ekonomike e Kosovës (OEK) ka reaguar pas zbulimit të skandalit të mishit belg, i cili është sjellë në Kosovë i prishur dhe i vjetër deri në 12 vjet.

OEK kërkon që vendimmarrësit të angazhohen për mirëqenien e qytetarëve, duke aprovuar ligje dhe zbatuar politika që sigurojnë zhvillim të qëndrueshëm ekonomik, përcjell albinfo.ch.

OEK apelon që kjo çështje urgjentisht të trajtohet në Qeverinë dhe Parlamentin e Kosovës, si dhe përmes dialogut publiko-privat.

Që rasti në fjalë të mos mbetet pa përgjegjësi dhe pa adresë, por edhe të mos përsëritet në të ardhmen, Oda propozon edhe disa veprime konkrete që duhen ndërmarrë, ndër to edhe të ju suspendohet licenca për import dhe eksport, të gjithë operatorëve biznesor të përfshirë në këtë rast, dhe akterët të dënohet në bazë të Kodit Penal.

OEK e mirëpret bashkëpunimin me institucionet dhe bizneset në zbatimin e të gjitha veprimeve dhe në të njëjtën kohë “zotohemi për një angazhim të vazhdueshëm në promovimin e vlerave të sektorit privat dhe luftimin e praktikave jo-etike dhe të paligjshme të të bërit biznes”.