Sarkozy dekorohet me Medaljen Presidenciale të Kosovës

Thaçi ka falënderuar Sarkozyn për kontributin dhënë për pavarësinë e Kosovës si dhe ka kujtuar deklaratën e tij në një shkollë fillore në Paris kur kishte thënë se harta e Evropës do të ndryshojë

Nicolas Sarkozy, ish-presidenti i Francës, është dekoruar sot nga presidenti i Kosovës Hashim Thaçi, me Medaljen Presidenciale Jubilare të dhjetëvjetorit të pavarësisë.

Në një postim në Facebook, Thaçi ka falënderuar Sarkozyn për kontributin dhënë për pavarësinë e Kosovës si dhe ka kujtuar deklaratën e tij në një shkollë fillore në Paris kur kishte thënë se harta e Evropës do të ndryshojë.

“Çdo qytetar i Kosovës e mban në mend deklaratën e famshme të ish-presidentit Sarkozy kur paralajmëroi disa ditë para shpalljes së pavarësisë së Kosovës në një shkollë fillore në Paris, se harta evropiane do të ndryshojë dhe pasurohet me një shtet të ri – Republikën e Kosovës. Sot pata nderin që ish-presidentin Sarkozy, që punoi palodhshëm për njohje ndërkombëtare të pavarësisë sonë, ta dekoroj në emër të shtetit dhe të popullit të Kosovës me Medaljen Presidenciale Jubilare të dhjetëvjetorit të pavarësisë. Kosova ka të ardhme të sigurt me miq nga i tërë spektri politik francez që përgjatë dekadave ishin mbrojtës dhe promovues të konsolidimit dhe forcimit të shtetit të Kosovës”, ka shkruar Thaçi.