Ndotja e liqenit të Vërmicë, reagon edhe Haskuka

Nëpër rrjetet sociale, kanë qarkulluar fotografi e video ku shihej liqeni e natyra e ndotur në Vërmicë, e mbushur madje me shishe të plastikës e mbeturina tjera të shumta.

Kryetari i Prizrenit, Mytaher Haskuka, pas këtyre pamjeve tmerruese, ka reaguar duke i bashkëngjitur një fotografi e duke shtuar se kështu tregohet se atdhedashuria është vetëm retorikë, përcjell albinfo.ch.

Haskuka ka thënë se komuna e Prizrenit ka filluar pastrimin e deponive ilegale të mbeturinave, por megjithatë ato përsëri mbushen njësoj.

“Bërllogu dhe plastika e hedhur në rrjedhën e Drinit të Bardhë akumulohet në Liqenin e Vërmicës duke ilustruar që dashuria ndaj atdheut mbaron tek pragu i shtëpisë. Me e dashtë Kosovën do të thotë mos me hedhur mbeturinat në lumenj apo nga dritarja e veturës në rrugë”, ka shkruar Haskuka.

https://web.facebook.com/117849601746716/videos/731654323699571/