Kosova

Votohet demarkacioni me Malin e Zi

E mërkurë, 21 Mars 2018 - 19:11 albinfo.ch

Keystone

Tri vite zvarritjeje kanë marrë sot fundin e tyre. Kuvendi i Kosovës, me 80 votat e nevojshme, e ka miratuar demarkacionin me Malin e Zi, raporton albinfo.ch nga Prishtina.

80 vota pro dhe 11 kundër, është bilanci me të cilin Kuvendi më në fund, pas një drame që zgjati tre vjet, miratoi demarkacionin. Për shkak të hedhjes së gazit lotsjellës nga Lëvizja Vetëvendosje, seanca është ndërprerë katër herë.

Në votimin për demarkacion të zhvilluar pak më parë kanë marrë pjesë 92 deputetë, ndërsa me 2/3 e votave, pra me minimumin e nevojshëm është ratifikuar më në fund marrëveshja e kufirit me Malin e Zi.