Heldt: Liberalizimi i vizave ka edhe pak punë për t’u bërë që të arrihet

Ambasadori i Gjermanisë në Kosovë, Christian Heldt, ka thënë se Kosova ka marr vendim të madh drejt rrugës për në BE, pas ratifikimit të marrëveshjes për shënjimin e kufirit me Malin e Zi.

Ratifikimi i demarkacionit është një hap i rëndësishëm për liberalizimin e vizave ka thënë ai, por ka shtuar se ka ende punë, përcjell albinfo.ch.

“Ngjarja e djeshme ishte e vështirë. Ndërkombëtarët jemi këtu jo të shohim skena me gaz lotsjellës duke u hedhur kundër përfaqësueseve më të lartë të qytetarëve, por punë. Liberalizimi i vizave ka edhe pak punë për t’u bërë që të arrihet”, ka thënë ai pas ceremonisë së nënshkrimit të Memorandum Mirëkuptimit në mes të Fondit Kosovar për Garantimin e Kredive dhe Qeverisë së Gjermanisë, me ç’rast është lansuar “Agrodritarja”, që ka për synim mbështetjen e sektorit të agrobiznesit.