Limaj: Të merret shembulli i demarkacionit për konsensus nacional

"Kalimi i demarkacionit është dëshmia më e mirë se me një dialog konstruktiv dhe intensiv në temat nacionale mund të arrijmë të krijojmë konsensus"

Kreu i Nismës Socialdemokrate, Fatmir Limaj, ka bërë thirrje që të ruhet konsensusi i fundit i arritur mes partive politike në Kosovë edhe për çështjet e tjera madhore që pritet të ballafaqohet vendi.

“Pas më shumë se tetë vjetësh kemi arritur ta kthejmë traditën e mirë që për tema nacionale të ndërtojmë konsensus sa më të gjerë. Kalimi i demarkacionit është dëshmia më e mirë se me një dialog konstruktiv dhe intensiv në temat nacionale mund të arrijmë të krijojmë konsensus.

Gjithmonë është në përgjegjësi të shumicës për tema nacionale në vendime ta përfshijë edhe opozitën”, ka shkruar Limaj në Facebook.