Konfiskohet mish edhe në Skenderaj

Ditët e fundit ka ‘shpërthyer’ skandali me mishin belg, që ishte i vjetër, deri në 12 vjet, kurse në ditët e fundit është konfiskuar mish nga shitoret e mëdha në Mitrovicë, Prizren dhe Ferizaj

Pas skandaleve më mishin e prishur, inspeksioni i Komunës së Skenderajt ka bërë një kontroll duke konfiskuar sasi të mishit të prishur.

Gjatë këtij inspektimit nuk është hasur në produkte të mishit të importuara nga shteti belg, por shumica prej tyre me origjinë vendore, përcjell albinfo.ch.

“Mish i ngrirë 6 pako, virshlle 4 pako, mish gjedhi i tymosur 5 copë, si dhe qofte 6 pako, në sasi prej 30 kg. Këto produkte janë konfiskuar pasi që është konstatuar që janë jo të sigurta për tregun, (dëmtime në ambalazh, jashtë afateve të përdorimit si dhe mungesë të faturave). Ndaj këtyre subjekteve do të merren masa ndëshkimore konform ligjeve”, thuhet në njoftim.

Ditët e fundit ka ‘shpërthyer’ skandali me mishin belg, që ishte i vjetër, deri në 12 vjet, kurse në ditët e fundit është konfiskuar mish nga shitoret e mëdha në Mitrovicë, Prizren dhe Ferizaj.