Motoçiklistët e Putinit dëshirojnë të vizitojnë Fushë Kosovën

Motoristët rusë “Ujqërit e Natës”, të njohur për afërsinë e tyre me presidentin e Rusisë, Vladimir Putin, kanë bërë të ditur se po planifikojnë të vizitojnë Kosovën, shkruan “Washington Post”.

Motoçiklistët nga “Ujqërit e Natës” kanë përfunduar të martën një vizitë në Serbi dhe në një mini-shtet serb në Bosnjë, që ata kanë thënë se ishte i menduar për të promovuar rrënjët e përbashkëta sllave të Rusisë dhe Serbisë. Yevgeny Strogov, njëri nga motoristët në konferencën e Beogradit, theksoi për mundësinë e realizimit të projektit të së ardhmes: një udhëtim mes Fushës së Kosovës dhe Fushës Kulikovo, të dyja të njohura për betejat e shekullit të 14.

“Ujqërit e Natës” janë futur në një listë të zezë nga Perëndimi, për shkak se kanë mbështetur politikat e Putinit në Ukrainë.