Euromillions ia kalon Swiss Lotos

Gjatë vitit 2011 në Zvicër për lotaritë dhe lojërat tjera të fatit janë derdhur gjithsej 2.8 miliardë franga, ose 68 milionë gjegjësisht 2.8% më shumë, qind më shumë se një vit më parë. Nga kjo del se zvicerani mesatar gjatë vitit të kaluar ka “lënë në kockë” 351 franga.

Viti 2011 është viti i parë që llotaria zvicerane gjegjësisht Swiss Lotto nuk e mban vendin e parë për nga paratë e mbledhura. Kësaj here asaj ia ka marrë fronin Euromillions, një llotari që luhet në 9 vende të Evropës, ku bën pjesë edhe Zvicra. Në konrto të euromillions, zviceranët kanë derdhur 524 milionë franga gjatë vitit të kaluar, ndërsa te Swiss Lotto, 456 milionë.

Fondet kantonale  të lotarisë dhe të sportit gjatë vitit 2011 kanë përfituar pak më shumë se një vit më parë nga lojërat e fatit. Kështu Swisslos dhe Loterie Romande kanë inkasuar 557 milionë franga ndërsa në vitin 2010 kjo shumë kishte qenë 542 milionë franga.