Vuçiq flet për (mos)dërgimin e ushtrisë serbe në Kosovë

“Nuk e kam marrë atë vendim edhe pse Kushtetuta ma lejon këtë. Unë shpresoj, dhe do të bëj çmos që të mos e marr atë vendim. Por kuptohet se nëse kombi ynë kërcënohet, kjo është detyra ime kushtetuese”

Presidenti serb, Aleksandar Vuçiq, ka thënë se ia ka bërë të qartë Federica Mogherini se me Serbinë nuk mund të luhet, sidomos pas situatës së djeshme në Kosovë

Ndërkaq, në të njëjtën kohë ka mohuar raportimet e medieve, se ka dhënë urdhër për dërgimin e ushtrisë serbe në Kosovë, përcjell Gazeta Metro.

Vuçiq ka thënë se me politikë të mençur ka arritur që ta mbajë qetësinë e serbëve në veri, porse nuk do të lejojë një ‘Stuhi’ të dytë për serbët.

“Kemi arritur të ruajmë gjakftohtësinë dhe të reagojmë në mënyrë të qetë. E kemi ruajtur paqen dhe nuk ua kemi lejuar (shqiptarëve) të na e marrin veriun”, ka thënë Vuçiq për RTS pas takimit me shefen e BE-së për politikë të jashtme.

Ai gjithashtu ka demantuar raportimet e medieve se dje kishte urdhëruar dërgimin e Ushtrisë së Serbisë në.

“Nuk e kam marrë atë vendim edhe pse Kushtetuta ma lejon këtë. Unë shpresoj, dhe do të bëj çmos që të mos e marr atë vendim. Por kuptohet se nëse kombi ynë kërcënohet, kjo është detyra ime kushtetuese”, ka thënë Vuçiq.

Këto deklarata, Vuçiqi i bëri në konferencën e jashtëzakonshme të mbajtur pas takimit me Përfaqësuesen e Lartë të BE-së, Frederica Mogherinin.