VV-ja e çon në Kushtetuese marrëveshjen e demarkacionit

Shefi i grupit parlamentar të kësaj partie, Glauk Konjufca, tha se me miratimin e marrëveshjes, është përcaktuar një kufi i ri, duke u cenuar kështu sovraniteti dhe integriteti i shtetit

Lëvizja Vetëvendosje e ka dorëzuar në Gjykatën Kushtetuese marrëveshjen për demarkacionin me Malin e Zi.

Shefi i grupit parlamentar të kësaj partie, Glauk Konjufca, tha se me miratimin e marrëveshjes, është përcaktuar një kufi i ri, duke u cenuar kështu sovraniteti dhe integriteti i shtetit.

“Lëvizja Vetëvendosje është e bindur se këtu kemi pasur shkelje të rënda të Kushtetutës të Republikës së Kosovës,” ka thënë Konjufca.

Ai ka thënë se presin që Gjykata t’i gjejë shkeljet, sikur ka bërë me rastin e Asociacionit të Komunave me Shumicë Serbe.