Kosova u rendit me shtetet diktatoriale

Deda ka thënë se me veprimet e sotme, “Kosova u rendit me shtetet diktatoriale”

Deputeti i Kuvendit të Kosovës nga radhët e Alternativës, Ilir Deda, ka folur për arrestimin dhe dëbimin e gjashtë shtetasve turqë nga Kosova në Turqi, ku ata akuzohen për gjoja terrorizëm, si njerëz të Fethullah Gylenit.

Deda ka thënë në emisionin “Pressing”, me Leonard Kerqukin, në “T7”, se me arrestimin dhe dëbimin e tyre “u shkel kushtetuta e Kosovës”, përcjell albinfo.ch.

Sipas Dedës, sot u shkel çdo ligj që mbron shtetasit e huaj në Kosovë. Deputeti i Alternativës e ka quajtur presidentin e Kosovës, Hashim Thaçi, “gjenerator të krizave në Kosovë”.

Deda ka thënë se me veprimet e sotme, “Kosova u rendit me shtetet diktatoriale”.