Sukur: Akt i turpshëm

Sukur ka kërkuar nga presidenti i Kosovës, Hashim Thaçi dhe kryeministri Ramush Haradinaj, që të japin përgjegjësi për dëbimin e gjashtë gylenistëve

Pas arrestimit dhe dëbimit të gylenistëve ka reaguar edhe Hakan Sukur, ish-futbollisti i kombëtares turke me prejardhje nga Prishtina.

Sukur, përmes rrjetit social “Twitter” ka reaguar ndaj vendimit që dje kanë marrë institucionet e Kosovës.

“Besoj që qytetarët meritojnë veprime të guximshme dhe të respektueshme prej jush, diçka që do t’i bënte krenarë”.

Sukur ka kërkuar nga presidenti i Kosovës, Hashim Thaçi dhe kryeministri Ramush Haradinaj, që të japin përgjegjësi për dëbimin e gjashtë gylenistëve.

“Është po aq e rëndësishme që të ribashkohen baballarët dhe bashkëshortët e pafajshëm me familjarët e tyre, aq edhe presidenti Thaçi e kryeministri Haradinaj të japin përgjegjësitë e tyre për këtë akt të turpshëm”, ka shkruar tutje ai, përcjell albinfo.ch.

Tutje ai ka shkruar se si fëmijë i dy prindërve nga Prishtina, inkurajon ata të ndalojnë veprime të tilla të pakuptimta dhe të turpshme.

“Është detyrë e juaja t’i ktheni ata dhe t’i bashkoni me familjarët e tyre”, ka shkruar ndër të tjerash.