LDK-ja kërkon zgjedhje të parakohshme

”Qeveria nuk e ka shumicën në Kuvendin e Kosovës dhe, në bazë të rregullave të demokracisë, kjo Qeveri konsiderohet e rënë"

Kryesia e LDK-së vlerësoi se vendi ka hyrë në krizë të thellë institucionale dhe politike. Kjo parti kërkon zgjedhje të parakohshme.

”Qeveria nuk e ka shumicën në Kuvendin e Kosovës dhe, në bazë të rregullave të demokracisë, kjo Qeveri konsiderohet e rënë. Temat e rëndësishme për qytetarët e vendit nuk mund të adresohen nga një qeveri e pakicës. LDK-ja fton që partitë politike të mblidhen sa më parë për të caktuar datën e zgjedhjeve, në mënyrë që këto zgjedhje të jenë të përgatitura si duhet dhe vullneti i qytetarëve të shprehet lirshëm”, thuhet në njoftim.

LDK-ja thotë se është e gatshme t’i nënshtrohet vullnetit të lirë të qytetarëve në zgjedhjet e pritshme.