Banorë të Hades kërkojnë zgjidhje nga komuna e qeveria

Banorët janë në pritje të një takimi me kryeministrin, ndërsa kanë paralajmëruar veprime të tjera nëse nuk u gjendet një zgjidhje

Banorë të Hades së Obiliqit kanë protestuar duke kërkuar nga institucionet komunale dhe ato qeveritare t’u gjejnë një zgjidhje për largim nga ky vendbanim pasi që po përballen me probleme të shumta.

Protestuesit janë ankuar për rrezikun që po shkakton makineria e KEK-ut, sëmundjet e shumta deri ato me kancer, si dhe problemet e nxënësve të cilët po duhet të mësojnë në një klasë ata që janë në klasën e parë dhe ata në klasën e tretë.

Kryesuesi i Kuvendit Komunal të Obiliqit, Burim Gërguri ka thënë se komuna ka mbështetur gjithnjë këtë fshat në kërkesat e tyre duke i konsideruar të drejta. Mirëpo banorët dhe shoqëria civile kanë thënë se kjo komunë po funksionon pa zot shtëpie dhe nuk po i ndihmon banorët në zgjidhjen e këtij problemi.

Banorët janë në pritje të një takimi me kryeministrin, ndërsa kanë paralajmëruar veprime të tjera nëse nuk u gjendet një zgjidhje.