Presidentja e Zvicrës te mbretëresha e Anglisë

Presidentja e Konfederatës, Eveline Widmer-Schlumpf, sot do të pritet nga Mbretëresha Elizabeth II, së bashku me krerët e tjerë shtetërorë të pranishëm në Londër për Lojërat Olimpike. Kjo pritje do të mbahet në Buckingham Palace, përpara ceremonisë së hapjes së Olimpiadës.

Ndërsa të shtunën, Presidentja e Konfederatës dhe ambasadori zviceran në Britani, Anton Thalmann, do të japin një pritje në Shtëpinë e Zvicrës në Londër. Shumë personalitete politike, kulturore dhe sportive do të jenë të pranishme. Eveline Widmer-Schlumpf do të qëndrojë në qytetin olimpik deri të dielën.