11-vjeçari lajmërohet në Polici, thotë se u ka ikur rrëmbyesve

Pas mesnate 11-vjeçari u lajmërua vet në stacionin e Policisë duke thënë se u ka ikur rrëmbyesve nga vetura

E.T. 11-vjeçari i cili u rrëmbye mbrëmjen e së dielës në Shtime, tashmë i është dorëzuar prindërve të tij.

Sipas Policisë së Kosovës, ai është ekzaminuar nga mjekët dhe është në gjendje të mirë shëndetësore, përcjell albinfo.ch.

Zëdhënësi i Policisë në Ferizaj, Agim Gashi tha se me fëmijën që mbrëmë pas mesnatës erdhi vet në Polici, pasi që tha se u kishte ikur kidnapuesve po merren edhe psikologët.

Gashi nuk dha detaje për dyshuar të mundshëm të këtij rasti, por që siç ai “Për momentin i kemi disa pista por nuk mundem të them më shumë”, shkruajnë mediat vendase.

Rrëmbimi i E.T. u raportua të ketë ndodhur rreth orës 19:45 të cilin sipas dëshmitarëve derisa po luante, disa persona e kanë futur në një xhip të zi. Pas mesnate 11-vjeçari u lajmërua vet në stacionin e Policisë duke thënë se u ka ikur rrëmbyesve nga vetura.