Antonio Hodgers: “Toleranca, sekreti i suksesit të Zvicrës”

 © 24Heures

Për këshilltarin nacional të Gjenevës, i cili mbajti fjalim më 1 gusht në lëndinën e Grutli-së (GE), toleranca, “një aftësi për të jetuar së bashku dhe për të respektuar dallimet” përfaqëson “thelbin e identitetit tonë”.

Toleranca është sekreti i suksesit të Zvicrës, prandaj edhe ajo e bën kaq unikate, tha Antonio Hodgers, gjatë fjalimit të tij të mbajtur me rastin e 1 Gushtit. Ai gjithashtu nderoi rininë, e cila ishte mysafire e kësaj dite.

Pakti i vitit 1291 nuk çoi në “krijimin e një vendi të vetëm, me një popull dhe një kulturë të vetme”, por në aleancën e tri vendeve që deklaruan se kujdeseshin për sigurinë e tyre si dhe që favorizonin një formë të bashkëjetesës. Megjithatë, secili prej tyre dëshironte të ruajë pavarësinë e vet dhe veçoritë e saj.

“Këto vlera janë të bazuara në demokraci”, tha ai para se të përmendë Jean-Jacques Rousseau  se politikanët nuk janë zgjedhur për të sunduar mbi popullin, por për të këshilluar. Çdo qytetar ka një copë përgjegjësie në demokraci.

Vendet e emigrimit

Për të shënuar njëqindvjetorin e organizatës për mbrojtjen e rinisë Pro Juventute, politikani pyeti se cilat janë ëndrrat, shpresat, por edhe frika e njerëzve të rinj më 1912, në fillim të shekullit.

Antonio Hodgers rikujtoi që Zvicra e shekullit 19 ishte një vend emigracioni, “para se të bëhej një vend emigracioni”. Dhe paraqiti një paralele në mes “të rinjve zviceranë të shkullit 19″, me të rinjtë arabë të vitit 2012″, të cilët gjithashtu “dalin jashtë shtetit të tyre për të gjetur një jetë më të mirë”.