Kosovë: 24 të arrestuar gjatë 24 orëve të fundit

Policia në raport ka përmendur se ka intervenuar në një rast në parkun e qytetit në Pruishtinë, ku janë ballafaquar me disa persona, të cilët kanë qenë nën ndikim të alkoolit dhe kanë bërë prishje të rendit dhe qetësisë publike

Policia Kosovës njofton se ka arrestuar 24 persona të dyshuar gjate 24 orëve të fundit në të gjithë vendin. Policia në raport ka përmendur se ka intervenuar në një rast në parkun e qytetit në Pruishtinë, ku janë ballafaquar me disa persona, të cilët kanë qenë nën ndikim të alkoolit dhe kanë bërë prishje të rendit dhe qetësisë publike, përcjell albinfo.ch.

Ndërsa në Drenas policia ka arrestuar një person pasi i arrestuar pas një mosmarrëveshje me një person tjetër ka shtënë me armë zjarri. “Patrulla policore në vendin e ngjarjes ka gjetur dhe konfiskuar katër gëzhoja kalibër 7.65mm, e më pas gjatë kontrollit në shtëpinë e të dyshuarit kanë gjetur dhe konfiskuar dy pistoleta”, thuhet në njoftim.

Një person është arrestuar në Fushë Kosovë  pasi atij i janë gjetur dhe konfiskuar një pistoletë pa municion dhe dy thika. Po ashtu një person tjetër është arrestuar në fshatin Vërboc, pasi gjatë kontrollit në shtëpinë është gjetur dhe konfiskuar një pushkë gjuetie me tre fishekë. Edhe një person në Podujevë është arrestuar pasi edhe atij i janë gjetur e konfiskuar armë në shtëpi.